Nas Irmandades do Dado, queremos ver cantos novos materiais de rol traducidos ao galego somos quen de xuntar durante este mes de maio de 2021. Anímaste a colaborar neste tradutón?
Onde vai acontecer isto?
O centro de actividade desta tradutón (maratón de traducción) será a canle #obradoiro
do noso discord. Alí podemos enviar ou pasar ligazóns para os materiais xa traducidos, falar dos problemas e frases difíciles que vaiamos atopando, buscar colaboración para traducirmos entre varias persoas, procurar ideas… O que sexa!
Ao rematar o mes, porén, tentaremos xuntar todos os materiais para que sexan sinxelos de baixar e usar en todas as partidas futuras de rol en galego. Colgarémolos en aberto na nosa web e figurarán na nosa canle #recursos-rolegos
.
Non sei eu se o saberei facer ben…
Non te preocupes! Na canle #obradoiro
do noso servidor podes pedir axuda ou revisión ao resto de participantes. E tamén ofrecer a túa axuda a quen a precisar! Trátase dun esforzo comunitario, non estamos para xulgar a ninguén, senón para pularmos entre todos e todas!
Quero, pero non sei que traducir!
Calquera cousa de rol! Iso inclúe, por exemplo:
- bloques de estatísticas de monstros
- fichas e cartillas de personaxe
- aventuras breves (ou non tan breves!)
- personaxes prexeneradas
- reglas de xogos
- axudas para a dirección e o xogo
- artigos da Wikipedia
- etc.
As únicas dúas condición son: (1) que sexan contido roleiro e (2) que sexan materiais de licenza aberta, é dicir, que permitan a súa tradución (sen ánimo de lucro). Se tes dúbida sobre se unha obra cumple esta segunda condición, podes consultar no servidor. E se aínda así non se che ocurre que traducir, algúns medios con licencia aberta como o fanzine Crisis Creativa (en castelán) ou o blogue Bastión Rolero (en castelán), xa nos ofreceron os seus materiais para seren traducidos.
Como vos deu por aí?
O rol en galego crece con forza, pero aínda precisa de moitos materiais. Aínda que hai materiais escritos orixinalmente en galego, moitos dos nosos xogos favoritos foron escritos orixinalmente noutra lingua, e tamén queremos poder a xogar a eles, va que si?
Ademais, o Día das Letras 2021 está dedicado a Xela Arias. Non só foi unha destacada escritora, senón tamén unha pioneira tradutora. Alén das outras actividades que se levan a cabo na nosa comunidade co gallo desta data, con esta maratón queremos homenaxear á súa figura e labor de xeito máis particular.